काठमाडौं: प्रहरीसँगको दोहोरो भिडन्तमा गुण्डाका नाइके दिनेश अधिकारी उर्फ 'चरी' मारिएका छन्। लामो समयदेखि प्रहरी खोजीको सूचीमा रहेका चरी राजधानीको सीतापाइलाबाट पश्चिमतर्फ साढे छ किलोमिटर टाढा भीमढुंगा भञ्याङमा प्रहरीको गोलीबाट मारिएका हुन्।
एमाले निकट चरी एमाले धादिङ क्षेत्र नम्बर १ का पूर्व उपाध्यक्ष समेत थिए। लामो समय भारतमा लुकेर बसेका चरी केही दिन अगाडी काठमाडौं आएका थिए। स्रोतका अनुसार काठमाडौं प्रवेश गरेपछि पनि चरीले केही व्यापारीलाई फोनमा धम्क्याउँदै आएका थिए।
धादिङकै राधे भन्ने राधाकृष्ण भण्डारीलाई खुकरी प्रहार गरेको घटनामा फरार रहेका चरीलाई प्रहरीले खोजी गरिरहेको थियो। राजधानी छिर्ने नाका थानकोट र फर्पिङमा प्रहरीले क्लोज सर्किट सीसीटीभी राखेपछि चरी काठमाडौंमा लुकेर बसेका थिए। चरी काठमाडौं छिरेको सुचना पाएपछि महानगरीय प्रहरी अपराध महाशाखाले बुधबार सीतापाइला, कलंकी, धापासी र महाराजगंज क्षेत्रमा प्रहरी टोली परिचालित गरेको थियो।
चरी हतियार सहित हिडिंरहेको सुचना पाएपछि महाशाखाकी डिएसपी मिरा चौधरीको कमाण्ड सीतापाईला क्षेत्रमा खटिएकी थिईन्। सीतापाईलामा बा ४९ प ३११२ नम्बरको रातो पल्सर मोटरसाइकलमा संकित व्यक्ति हुइँकिदै गएको देखेपछि प्रहरीले उसको पिछा गरेको थियो। भीमढुंगा पुगेपछि एक्कासी प्रहरीमाथि गोली चलाउन सुरू गरेपछि प्रहरीले जवाफी फायरिङ (क्रस फायर) गरको थियो। प्रहरीको गोली लागि ढलेपछि प्रहरीले व्यक्ति पहिचान गर्दा चरी रहेको खुलेपछि मात्रै यो सुचना केन्द्रसम्म पुगेको थियो।
घटनास्थलमा महाशाखा प्रमुख एसएसपी पुष्कर कार्की र हनुमानढोका प्रहरी प्रमुख एसएसपी उत्तम कार्की सहितको टोली पुगेको थियो। महाशाखा प्रमुख कार्कीका अनुसार चरी कपला मुडुलो पोर हुलिया परिवर्तन गरेर हिंडेका थिए। प्रहरीले घटना स्थलबाट मेड ईन युएसए लेखिएको पेस्तोल, त्यसमा लाग्ने एक राउण्ड गोली र पाँच राउण्ड गोलीका खोका बरामद गरेको छ। ' प्रहरीमाथि गोली प्रहार भएपछि मात्रै प्रहरीले गोली प्रहार गरेको हो, कार्कीले भने। प्रहरीले प्रहार गरेको गोली पेट र छातीमा लागेको छ।
एसएसपी कार्कीका अनुसार चरीले प्रहरीमाथि सात राउण्ड गोली फायर गरेका थिए भने प्रहरीले जवाफी फायरिङमा आठ राउण्ड गोली प्रहार गरेको थियो। प्रहरीले चरीको शव नजिकैबाट मेड ईन युएसए लेखिएको पेस्तोल र त्यसमा लाग्ने एक राउण्ड गोली र पाँच राउण्ड गोलीका खोका बरामद गरेको छ। उच्च स्रोतका अनुसार चरी केही दिनमै अदालतमा आत्मसमर्पण गर्ने योजनामा थिए। प्रहरीले चरीको शव पोष्टमार्टको लागि महाराजगंज स्थित त्रिभुवन शिक्षण अस्पतालमा राखेको छ। ' प्रहरीको क्रस फायरमा चरीमा मारिएका हुन्, थप अनुसन्धान गर्दै छौं,
तत्कालीन काठमाडौं सुरक्षा प्रमुख एसएसपी रमेश खरेलले काठमाडौंमा ' गुण्डा अप्रेशन' चलाउँदा गणेश लामा, अभिषेक गिरी, दिपक मनांगे लगायतका गुण्डाहरू पक्राउ गर्दा चरी पक्राउ गर्न दबाब थियो। ठेक्कापट्टा, गुण्डागर्दी, व्यवसायीलाई धम्याएर चन्दा असुली लगायतका आपराधिक गतिविधिमा संलग्न चरी राजधानीको नयाँबजार एरियालाई आधारईलाका बनाएर अपराधकर्म गर्दै आएका थिए। चरी प्रहरीको निशानामा जति बेला थिए त्यतिवेला
महाशाखा प्रमुख एसएसपी कार्कीले पहिलो पटक महाशाखामा गरेको पत्रकार सम्मेलनमा भनेका थिए ' केही गुण्डा हतियार सहित हिड्छन् भन्ने जानकारी आएका छन्, मेरा अफिसर्स सँग पनि हतियार हुन्छन् नै, गुण्डागर्दी नियन्त्रणका लागि कानुनको दायरमा वसेर प्रहरीले हतियार चलाउन कन्जुस्याइँ गर्दैन।'
चरीमाथि यस अघि पनि प्रहारको प्रयास भएको थियो। धादिङमा प्रेस चौतारीको कार्यक्रममा सहभागी भएर काठमाडौं फर्कने क्रममा चरीमाथि गत वर्ष असार २१ गते सतुंगलमा गोली प्रहार भएको थियो। उनीमाथि गोली प्रहार गर्ने राधे भन्ने राधाकृष्ण भण्डारीलाई प्रहरले पक्राउ गरि कारबाही गरिसकेको छ। त्यसैको बदला लिन चरी समुहले भण्डारीमाथि नयाँ बजारमा खुकुरी प्रहार गरेको थियो।
कृषि सहकारी बलेटक्सार साखाको औपचारिक शुरुवात आजदेखि
बालिकालाई कुकृत्र्य गर्ने मोरङ्ग उर्लाबारी नगरपालीका ३ घर भई हाल भक्तपुर ठिमी बस्ने ३२ वर्षको राजकुमार भन्ने नर बहादुर श्रेष्ठलाई पक्राउ गरेको हो । राजकुमारले ११ गते राती ८ बजे देखि ८ गते विहान ४ बजे सम्म कराई भने खाल्डोमा पुरीदिन्छु भनि पटक पटक करणी गरेको पिडित बालिकाले प्रहरी समक्ष बताएकी छिन्।
काठमाडौं,साउन२५–बिबाहको केही दिनपछि नै हनिमुनका लागि भारततर्फ प्रस्थान गर्नुअघि श्रीकृष्ण श्रेष्ठले सञ्चारकर्मीहरुको ‘सन्तान कहिले जन्माउने ?’भन्ने प्रश्नको जवाफमा भनेका थिए,‘तत्काल हाम्रो त्यस्तो सन्तान जन्माउने इच्छा छैन । दुई वर्षपछि मात्रै हामीले सन्तान जन्माउने योजना बनाएका छौं ।’ श्रीकृष्णले यस्तो जवाफ दिइँरहँदा छेवैमा उभिएकी उनकी श्रीमती नायिका श्वेता खड्काले पनि केही लजाउँदै मुस्काएर श्रीकृष्णको योजनामा मुन्टो हल्लाएर समर्थन जनाएकी थिइन् । तर,श्रीकृष्णको यो सुन्दर योजना अब कहिल्यै पुरा हुने छैन । बिबाह भएको एक महिनामै स्वेताको सिउँदो पुछिएपछि नवजोडीले देखेको यो सुन्दर सपना केवल कहिल्यै पुरा नहुने कित्तामा उभिएको छ । श्रीकृष्णले निर्माण गरेको शुक्रबारदेखि प्रदर्शनमा रहेको फिल्म ‘कोहिनुर’को रिजिलको पुर्वसन्ध्यामा श्रीकृष्णले निकै नै भावुक सन्देश पठाउँदै भनेका थिए–मेरो स्वास्थ्यको कारण तपाईहरुसँगै बसेर फिल्म रिजिल गर्ने सपना पुरा हुन सकेन । म रिजिल भएको केही दिनपछि नै निको भएर तपाईहरुसँगै बसेर फिल्म हेर्नेगरी आउनेछु । कृपया मैले निर्माण गरेको यो फिल्मलाई माया गरिदिनुहोला । तपाईहरुको माया मेरा लागि औषधि हुनेछ ।’ निको भएर दर्शकसँगै बसेर आफ्नो फिल्म हेर्ने सपना रहेको जानकारी केही दिनअघि मात्रै बुनेका श्रीकृष्णको प्रतिक्षामा रहेका उनका सुभेच्छुक,दर्शक र फ्यानहरुले आइतबारको सुरुवातसँगै उनको मृत्युको दुःखद समाचार सुन्नु परेको छ । श्रीकृष्णको यो दुःखद अबसानसँगै त्यो सपना कहिल्यै पुरा नहुने भएको छ । नायक श्रीकृष्णसँग नेपाली फिल्ममा अझै धेरै योगदान दिने र यसलाई अझै अब्बल बनाउने सपना थिए । उनले बेला–बेला उनका योजना सुनाउँदै आएका पनि थिए । उनले भन्ने गरेका थिए–नेपाली फिल्मलाई अन्तराष्ट्रिय स्तरमा पुगेको हेर्ने चाहना छ । र,त्यसका लागि जीवनको अन्तिम घडिसम्म पनि लागिरहनेछु । हुन पनि,जीवनको अन्तिम स्वास पनि उनले फिल्मकै नाम लिएर फेरे । जीवनको अन्तिम घडिमा उनले आमदर्शकका लागि पठाएको सन्देशमा उनको यो भावना अझै गम्भिर ढंगले मुखरित थियो । श्वेतामाथि बज्र ‘मान्छेको जीवनमा आरोह र अबरोह भइरहन्छ । सुख र दुःख नै जीवनको चौतारी हो भन्छन् । म त्यही चौतारीमा बसिरा छु’ केही दिन अघि यस्तो भावुक सन्देश पठाएका श्रीकृष्णले परिभाषित गरेको यही भयानक पीडा,वेदना,सन्ताप र दुःख दिएर उनले संसार छाडेका छन् । एक महिनाअघि असार २३ गते मात्र श्वेताको सिउँदो रंगाएका श्रीकृष्णले संसार छाडेपछि श्वेताको जीवनको बिहानी कहिल्यै नउदाउने गरी अन्धकार रातमा परिणत भएको छ । जीवनमासँगै यात्रा गर्ने त्यो सुन्दर सपनामा तुसारापात लागेको छ । जीवनको लामो समय नेपाली फिल्म जगतको विकास र संबृद्धिमा खर्चेका सदाबहार नायक श्रीकृष्णप्रति हाम्रो श्रदान्जली ! अनि शोकसन्तप्त परिवारमा यो दुःखको घडीमा धैर्य धारण गर्ने शक्ति मिलोस !
