द्धन्दकालका अपाङ्गले राज्यवाट संरक्षण नपाउनु दुर्भाग्य ः एमाले नेता ज्ञवाली -

गुल्मी, फागुन १८ – नेकपा एमालेका नेता प्रदिप ज्ञवालीले द्धन्दकालमा घाईते भई अपाङ्ग जिवन जिएका नागरिकहरुले राज्यवाट संरक्षण र उचित राहत नपाउनु दुर्भाग्यपुर्ण भएको वताउनुभएको छ । आज गुल्मीको सदरमुकाम तमघासमा वौद्धिक अपाङ्गताका अभिभावक संघ गुल्मीले आयोजना गरेको अपाङ्गहरुको सेवामुखीकरण तालिमको उद्घाटन गर्दै नेता ज्ञवालीले यस्तो वताउनुभएको हो । पुर्व पर्यटन मन्त्री तथा वौद्धिक अपाङ्गता महासंघका अभिभावक समेत रहनुभएको नेता ज्ञवालीले द्धन्दकालमा राज्य पक्षवाट होस या विद्रोही पक्षको आक्रमणवाट घाईते भई ओछ्यानमै दिसापिसाव भएर कयौँ नागरिक कष्टकर जिवन विताउँदा पनि राज्य उदासिन भएको वताउँदै उनीहरुलाई राज्यले संरक्षण एवं उचित क्षतिपुर्ति दिनुपर्नेमा जोड दिनुभयो ।
वौद्धिक या शारिरीक जस्तोसुकै अपाङ्ग पनि परिवारको वोझ नभएको कुरा अभिभावकले वुझ्नुपर्ने र राज्य, समाज र परिवारले अपाङ्गहरुलाई माया र अवसर दिनुपर्ने उहाँको सुझाव थियो । राष्ट्रिय राजनीतिमा रहेका नेता ज्ञवालीले अपाङ्गहरुको पिडा व्यक्त गर्दैमा भावुक देखिनु भयो तर आफ्नो भाषणमा एक शव्द पनि राजनीतिको कुरा निकाल्नु भएन । अपाङ्गहरुको अधिकार र सुविधाका लागि आफु सहितका नेताहरुले संसदमा प्रस्ताव पेश गरेपनि संसद विघटन भएपछि लागु गर्न नसकेको तर अव वन्ने संविधानमा सुनिश्चित गर्ने आश्वासन दिनुभयो । आफ्नै छोरी घरमा २४ वर्षदेखि वौद्धिक अपाङ्ग भएर विताएको कष्टकर जिवनको पीडा सुनाउँदै परिवारको माया र अवसर विना अपाङ्गको जिवन कारुणिक हुने भएकाले परिवार र समाजले माया गर्न उहाँले आग्रह गर्नुभयो ।
कार्यक्रममा अधिकांश वक्ताले अपाङ्गहरुलाई राज्यले दिएको सुविधा व्यवहारमा लागु हुन नसकेको वताएका थिए । कार्यक्रममा प्रमुख जिल्ला अधिकारी कविन्द्र नेपालले गुल्मीमा वौद्धिक अपाङ्गहरुको संख्या वढेको र तथ्यगत अपाङ्गहरुको तथ्याङ्क लिन नसकिएको वताउँदै सरकारी निकायवाट दिन सकिने सुविधामा कमी कमजोरी भएको भए सुझाव दिन आग्रह गरेका थिए । तर अपाङ्ग नेताहरुले यातायातमा सरकारले दिएको ५० प्रतिशत छुट समेत लागु गर्न नसकेको गुनासो गरेका थिए । कार्यक्रममा एकीकृत नेकपा माओवादीका वुद्धि जिसी, नेपाली काँग्रेसका उपसभापति भुवनप्रसाद श्रेष्ठ, नेकपा एमालेका कृष्ण सुनार, नेकपा माओवादीका इन्चार्ज विरवहादुर कार्की, राष्ट्रिय जनमोर्चाका हरी न्यौपाने, गुल्मी उद्योग वाणिज्य संघका अध्यक्ष अखिलेश्वरप्रसाद पाण्डे, जिल्ला शिक्षा अधिकारी गोविन्दप्रसाद अर्याल, वौद्धिक अपाङ्गताका अभिभावक महासंघका केन्द्रीय सदस्य एवं राष्ट्रिय अपाङ्ग महासंघका महासचिव रघुनाथ मरासिनी, नेपाल अपाङ्ग एकता समाज गुल्मीका अध्यक्ष घनवहादुर खड्का लगायतले मन्तव्य राख्नुभएको थियो । कार्यक्रममा अपाङ्ग पुनस्थापना केन्द्रको भवन निर्माणका लागि महिला विकास अधिकारी जमुना पौडेलले ५ हजार रुपैयाँ आर्थिक सहयोग गर्नुभएको थियो । अपाङ्ग पुनस्थापना केन्द्रको भवन निर्माणका लागि वौद्धिक अपाङ्ग अभिभावक संघ गुल्मीले तमघास गाविसको वार्ड नं. ६ मा घडेरी खरीद गरिसकेको जानकारी गराएको थियो । दुई दिनसम्म चल्ने तालिममा गुल्मी, अर्घाखाँची, पाल्पा, रुपन्देही, नवलपरासी, प्यूठान, वाग्लुङ्ग लगायत १७ जिल्लाका वौद्धिक अपाङ्गता भएकाहरुको अभिभावकहरुको सहभागिता रहेको छ । कार्यक्रममा रेसुङ्गा विकास वैँकका अध्यक्ष राजेन्द्रप्रसाद श्रेष्ठ, आशा अपाङ्ग केन्द्रका अध्यक्ष एवं रेडियो रेसुङ्गाका कार्यकारी निर्देशक जनार्दन घिमिरे, क्रान्तिकारी पत्रकार संघका प्रेम सुनार लगायतको उपस्थिति रहेको थियो । संघले अपाङ्गहरुलाई वाख्रा तथा मौरी पालन कार्यक्रम संचालन गरेको जनाएको छ ।
वौद्धिक अपाङ्ग अभिभावक संघ गुल्मीका अध्यक्ष इश्वरीप्रसाद पौडेलको अध्यक्षतामा सम्पन्न कार्यक्रममा उपाध्यक्ष डिलवहादुर थापाको स्वागत मन्तव्य र सचिव मेघलाल पाण्डेको सञ्चालन रहेको थियो । 

राष्ट्रपतीले रिडी पुगेर ऋशीकेषसँग के वर मागे?

‘पवित्र भएर मैले आज राष्ट्रले छिटो निकास पाहोस भन्ने कामना गरेको छु’, उहाँले भन्नुभयो, ‘देशको भलो होस, परिवर्तन संस्थागत बनोस, मुल कानून बनोस, रुरु क्षेत्रका भगवानहरु समक्ष मेरो यही कामना छ ।’
गुल्मी, १ माघ । राष्ट्रपति रामबरण यादवले राजनीतिक दलहरु मिल्नुको विकल्प नरहेको बताउनु भएको छ । माघे संक्रान्तिको अवसरमा चार धाम मध्येको एक धाम रुरु क्षेत्रमा कालीगण्डकी स्नान गर्न सोमबार गुल्मीको रिडी आउनु भएका राष्ट्रपति यादबले परिवर्तन संस्थागत गर्नका लागि दलहरु मिल्नुको विकल्प नरहेको बताउनु भएको हो । उहाँले त्यसका लागि निर्वाचनमा जानु जरुरी रहेको समेत बताउनु भएको छ ।

यस्तो रह्यो राष्ट्रपतिको रिडी भ्रमण (फोटो फिचर)
‘मैले देश र राजनीति बुझेको छु’, मेलाको उद्घाटन गर्दै राष्ट्रपति यादवले भन्नुभयो, ‘देशको सर्बोत्तम हितका लागि सबैसंग मिलेर निकास निकाल्न जरुरी छ, त्यसमा म प्रतिबद्ध छु ।’ हेलिकप्टरबाट दिउँसो १ बजे कालीगण्डकी किनारमा ओर्लिनु भएका राष्ट्रपति यादवले २००७ र २०४६ सालको परिवर्तन संस्थागत गर्न नसक्दा २०६२-०६३ को आन्दोलन आवश्यक परेको बताउनु भयो । त्यसैले २०६२-०६३ को परिवर्तनलाई संस्थागत गर्नु जरुरी रहेको बताउनु भयो । राष्ट्रपति यादवले कालीगण्डकी स्नान गरी पवित्र भएर श्रृषिकेश भगवानको मन्दिरमा पुजा गरेर राष्ट्रले छिटो भन्दा छिटो निकास पाहोस भन्ने कामना गरेको गुल्मीन्युज डट कमलाई बताउनु भयो ।

‘पवित्र भएर मैले आज राष्ट्रले छिटो निकास पाहोस भन्ने कामना गरेको छु’, उहाँले भन्नुभयो, ‘देशको भलो होस, परिवर्तन संस्थागत बनोस, मुल कानून बनोस, रुरु क्षेत्रका भगवानहरु समक्ष मेरो यही कामना छ ।’ उहाँले लोकतन्त्र र गणतन्त्रको संस्थागत विकासका लागि सवै पार्टिहरु एक ठाउँमा आएर राष्ट्रको सर्वोपरि हितमा लाग्नु जरुरि भएको भन्दै त्यसका लागि जनतामा जान जरुरी रहेको वताउँनु भयो । देशको हितका लागि आफ्नो महत्वपुर्ण भुमिका रहेको भन्दै उहाँले ंत्यसका लागि सविधानभित्र रहेर सबैलाई समन्वय गरेर निकास निकाल्ने प्रतिवद्धता व्यक्त गर्नुभएको छ । "हाम्रो ठुलो त्रुटीका कारण सबिधान सभाको बिदा भएको यादवले बताउनु भयो । हाम्रै त्रुटीले सबिधान सभा बिदा भएर गएको हो, अव राष्ट्रपति सँस्था रहेको छ यसलाई बचाएर मुलुकको निकास छिटो निकाल्न जरुरी भएको छ" उहाँले भन्नुभयो ।

राष्ट्रपति डा. यादवले आफु धार्मिक स्थल काली गण्डकिमा पञ्च स्नान गरि ऋशीकेष भगवानको दर्शन गरेको उल्लेख गर्दै उहाँले देशको ईतिहास भुगोल र राजनैतिक उतार चढाव सवै कुरालाई मनन् गरेर देशको लागि निकास निकाल्नु आफ्नो प्रमुख कर्तव्य रहेको समेत वताउनु भयो । उहाँले भन्नुभयो “आफ्नो भूमिका देशको ईतिहास भुगोल राजनैनितक उतारचढाव लगातयका कुरालाई मनन गरेर देशको सर्बेात्तम हितमा सबैलाई समन्वय गरेर निकाश निकाल्नु मेरो कर्तव्य छ ।”
राष्ट्रपति यादवले कालीगण्डकी स्नान गरी श्रृषिकेष र रिडीमै निर्माण गरिएको देबदत्त पार्कको समेत अबलोकन गर्नु भएको थियो । उहाँसंगै शान्ति तथा पुन निमार्ण मन्त्री टोपबहादुर रायमाझी, नेपाल सरकारका मुख्य सचिव लिलामणि पौडेल, निजी सचिव ललित बस्नेत लगायतको टोली गुल्मीको रिडीमा आएको थियो । राष्ट्रपतिका लागि यहाँको सुरक्षा ब्यवस्था कडा पारीएको थियो । सुरक्षाका लागि ७ सय भन्दा बढी सुरक्षाकर्मीहरुले राष्ट्रपतिको सुरक्षा दिएका थिए । राष्ट्रपति यादव रिडी मेलाको अवलोकन र उद्घाटन गरेर करिव २ घण्टा रिडीमा रहेर फर्कनुभएको थियो ।

यस्तो रह्यो राष्ट्रपतिको रिडी भ्रमण (फोटो फिचर)

राष्ट्रपति डा. रामवरण यादव मकर संक्रान्तिको अवसरमा आज गुल्मी, पाल्पा र स्याङ्जा जिल्लाको संगमस्थल रिडी स्थित काली गण्डकि स्नानका लागि गुल्मी आउनुभएको थियो । हेरौँ सोही अवसरमा रिडी पुगेर गुल्मीन्युज सहयोगी घनश्याम गौतम र तारा भुषालले खिच्नुभएका केहि तस्विरहरु:

नेपाली हास्य टेली श्रीन्खला जिरे खुर्सानी

Jire Khursani - December 3, 2012

 नेपाली हास्य टेली श्रीन्खला जिरे खुर्सानी

क्षितिज पारी उनको बस्तिमा......

क्षितिज पारी उनको बस्तिमा......नेपाली लोक गीत 

यस्तो रह्यो अर्घाखाँचिको रेस्लिङ प्रतियोगिता (फोटो फिचर)

अन्तर्राष्ट्रिय खेलाडी सहित अर्घाखाँचीको सन्धीखर्क टुँडिखेलमा भएको अन्तर्राष्ट्रिय रेस्लीङगमा अस्ट्रेलियाका सुपरस्टार हार्टली ज्याको ज्याक्सन र नेपालका एक मात्र अन्तर्राष्ट्रिय रेस्लर भरत बहादुर विशुराल (हिमालयन टाइगर) बीच मुख्य महाभिडन्त भएको थियो । उक्त भिडन्तमा जितेका  खेलाडी हिमालयन टाइगरलाई संघको नाममा स्थापना गरिएको च्याम्पियनसीप टाईटल वेल्ट उपाधीका साथ नगद दुई लाख रुपैया प्रदान गरिएको  छ  । हेरौ उक्त प्रतियोगिताका केही झलकहरु:

समचार गुल्मी न्युज बाट  

पुष्पाले जितिन् ‘सीएनएन हिरो २०१२’ (भिडियोसहित)

१८ मंसिर, काठमाण्डौ । जेलमा रहेका बालवालिकाको स्याहारमा सक्रिय नेपालकी समाजसेवी पुष्पा वस्नेतले ‘सीएनएन हिरोज अफ द इयर २०१२’को उपाधी जितेकी छिन् ।
अमेरिकी टीभी च्यानल सीएनएनले हरेक बर्ष प्रदान गर्ने यो एवार्ड सीएनएनको वेबसाइटमा भएको अनलाइन भोटिङबाट चयन गरिन्छ । नेपाली समयअनुसार सोमबार बिहान अमेरिकाको लस एन्जलसमा भएको अवार्ड बितरण समारोहमा पुष्पाले अन्य ९ प्रतिस्पर्धीलाई पछि पार्दै उपाधि जितेकी हुन् । उपाधि जित्न सफल पुष्पाले २ लाख ५० हजार अमेरीकी डलर पाएकी छिन् ।
सीएनएनले सवै प्रतिस्पर्धीलाई जनही ५० हजार डलर पनि दिएको छ । यो सँगै पुष्पाले आफनो अभियानका लागि ३ लाख डलर अर्थात करिव २ करोड ६४ लाख रुपैयाँ प्राप्त गरेकी छिन् ।

उपाधि लिन स्टेजमा पुग्दा पुष्पा भावबिभोर  थिइन् । अवार्ड हातमा लिँदै पुष्पाले भनिन- ‘यो अवार्डले मेरा लागि धेरै ठूलो माने राख्छ, अहिले पनि धेरै बालबालिका जेलभित्र बस्न बाध्य छन, निश्चितरुपमा म तपाईँहरुलाई बाहिर निकाल्न आउनेछु ।’ पुष्पाले अवार्ड देखाउँदै भनिन- यो मेरा बच्चाबच्चीका लागि हो र मेरो मुलुक नेपालका लागि हो । जसले मलाई भोट दिनुभयो र मेरो सपनामा बिश्वास गर्नुभयो, यहाँहरु सवैलाई धेरै धेरै धन्यवाद ।’

नेपाली कारागारमा वन्दी जीवन बिताइरहेका अभिभावकका छोराछोरीहरुलाई हेरचाह तथा स्याहार केन्द्र संचालन गर्दे आएकी छिन् । उनी विगत ८ वर्षदेखि यही कामलाई निरन्तरात दिदै आएकी छिन् । पुष्पाले बालबालिकाहरुलाई दिएको माया र ममताको योगदान कदर गर्दै सिएनएन हिरो २०१२ को उपाधि दिएको हो । विश्वभरका सामाजिक अभियन्ताहरुलाई हौसला दिन सिएनएनले ६ वर्षदेखि सिएनएन हिरोजको उपाधि दिन थालेको हो । यसअघि सन् २०१० मा चेलीवेटी वेचविखनविरुद्ध योगदान पुर्‍याएकी नेपालकै अनुराधा कोईरालाले पनि यही उपाधि जितेकी थिइन ।
हेरौँ भिडियो: