१५ फागुन, काठमाण्डौ । दिउँसो एक बजेर १० मिनेट गएको बेला थियो । म बबरमहलको सडक विभाग हुँदै सिंहदरबार दक्षिणढोकातर्फ लाग्दैथिएँ । महालेखा परीक्षकको कार्यालय अगाडि पुग्ने बित्तिकै ठूलो आवाजमा केही पड्किएको सुनियो । वरपर भएका मान्छे सबै आत्तिए । मैले पनि बाइक रोकें । सबैले टायर पड्केको भनेर लख काटे । नजिकै आयल निगमको गेटतिर मान्छे चिच्चयाएको आवाज आयो । सडक विभागको गेटमा रहेका प्रहरी दौडिँदै त्यता लागे ।
वरपरका रहेका मान्छेहरु पनि त्यतै दौडिए । त्यहाँ पुग्दा एकजना मान्छेको आन्द्राभूँडि नै बाहिर निस्केको र अर्को एकजना रगतपिच्छे भएर ढलिरहेको अवस्थामा देखियो । तीनजना रगतपिच्छे भएर छटपटाइरहेका थिए । उतिखेरै प्रहरीको भ्यान पनि आयो । आयल निगमको गेटनिर रहेको एकजना र सडकमा रहेको अर्कोजना मृत्यु भइसकेको पुष्टी भएपछि उनीहरुलाई केही पनि गरिएन । अरु छटपटाइरहेकाहरुलाई प्रहरीले उतिखेरै अस्पताल दौडायो ।
त्यसपछि त्यहाँ रमितेहरुको भीड लाग्यो । नजिकै जिल्ला अदालतदेखि अरु सरकारी कार्यालय भएकाले मानिसको निकै भीड थियो । त्यो भीड नियन्त्रण गर्न प्रहरीलाई निकै हम्मेहम्मे भयो । आयल निगम, जिल्ला अदालत र महालेखा परीक्षक कार्यालय परिसरमा पार्किङमा राखिएका सवारी साधन हटाउन पनि निकैबेर लागेको थियो । बबरमहल, सिंहदरबार दक्षिणढोका, माइतीघर आसपासमा हिंडिरहेका सर्वसाधारण निकै त्रसिद देखिन्थे ।
(बम बिष्फोटका प्रत्यक्षदर्शी कारोबार दैनिकका पत्रकार बिपेन्द्र कार्कीसितको कुराकानीमा आधारित)
बिष्फोटपछिको त्रास
आफ्नै सुरमा कामधन्दामा लागेका र बाटोमा हिंडिरहेकाहरु एक्कासी ठूलो बिष्फोटको आवाज सुन्दा झसाग भए । सुरक्षाकर्मी, सरकारी कर्मचारी, सेवाग्राही र बटुवाको बाक्लो आवातजावत भैरहने अति सम्बेदनशिल ठाउा नेपाल आयल निगमको गेटतिरबाट आएको त्यो आवाज बम विष्फोटको हो भन्ने अनुमान शुरुमा कसैले पनि गरेनन् । गाडीको टायर पड्केको होला भन्ने अड्कलवाजी थियो सबैको । तर जब घटनास्थल नजिक रहेका उनीहरुले आफ्नै आँखाले रगतपिच्छे भएर छटपटाइरहेकाहरुको कहालीलाग्दो दृश्य देखे, तब मात्र बम पड्केछ भन्ने उनीहरुलाई बिश्वास भयो ।
आयल निगमको गेटमा बम पड्केर मान्छे नै मरे भन्ने खबर एकाएक फैलियो । प्रहरी घटनास्थल आएर अनुसन्धान गर्न थाले । घटनास्थल आसपास पार्किङ गरेर राखिएका सवारी साधनलाई बाहिर पठाइयो । लौ आयल निगमको कार्यालयमा बम पड्क्यो रे भन्ने सुन्ने बित्तिकै आसपासका मान्छे त्यतैतिर दौडिए । तर प्रहरीले जिल्ला अदालत र सडक विभागको गेटबाट मान्छेलाई भित्र जान दिएको थिएन । मान्छेको भीड बढेपछि बबरमहल बानेश्वर क्षेत्रमा सवारी जाम भयो । बम पड्क्यो रे भन्ने सुनेकाहरु जिब्रो टोक्दै भन्दैथिए -’हैन यहीं भित्र बम पड्केको ? हैन चौबीसै घण्टा प्रहरी बस्ने ठाउामा कसरी बम पड्क्यो ? यस्तो सम्बेदनशिल ठाउामा त दिउसै यस्तो घटना हुन्छ भने अब कहाा कसरी सुरक्षित भईन्छ ?’ सबैको मुहारमा त्रास देखिन्थ्यो । अन्योल र आशंका थियो ।
सडकमा प्रहरी र मान्छेको भीड देखेका पैदलयात्री र गाडीका यात्रु चाहिं अचम्म मान्दै थिए । ‘हैन यहाा के भएको ? किन मान्छेको भीड ? बम पड्केको रे ? यहीं भित्र ? हत्तेरी……….?’ प्रशासनिक केन्द्र रहेको राजधानीको यस्तो सम्बेदनशिल क्षेत्रमा दिनदहाडै बिष्फोट भएको देख्नेजान्ने सबैको मुहारमा त्रास देखिन्थ्यो । त्रास र अन्योलबीच बबरमहल आसपासमा दिनभर मान्छेको घुईंचो लागिरहेको छ ।
फाटो र समाचार ओनलाइन खबर बाट
