कोमल ओलीसँगै झुमे दर्शक

 मेरो दिगाम - कहिले पोइल जान पाम त कहिले बाँझो खेतमा गीत गाउँदै दर्शक स्रोतामाझ चर्चामा आउने गायिका कोमल ओली राम्री गायिका मात्रै होइनन् राम्रो स्टेज तताउन सक्ने गायिका पनि हुन् । यस्तै देखियो मध्यमाञ्चल महोत्सव २०६८ को तेस्रो दिन आइतबार बनेपामा ।

बनेपाको पुलबजारमा आयोजित महोत्सवको सांस्कृति कार्यक्रम अन्तर्गत कोमलले आइतबार के बुढा, के बुढी, के बालक, के तन्नेरी सबैलाई आफ्नो गीतमा भरपुर नचाउन सफल भइन् । उनले गीत मात्रै गाइनन् नेताले झैं एउटा गीत सकिने वितिक्कै लगभग ४/५ मिनेटको भाषण पनि दिइन् । नेताहरुको राजनीतिक भाषण सुनेर दिक्क मान्ने दर्शकहरु कोमलको भाषणमा भने मुसुक्क हाँस्दै सुनिमात्रै रहेनन् परररर ताली बजाएर साथ पनि दिए