अब लालपुर्जा पनि डिजिटलमा आउने

काठमाडौँ, ६ असार । घरजग्गा किनबेच या पुस्तौली नामसारी गर्दा मालपोतमा पुग्ने जो कोही सेवाग्राही लालपुर्जा खोज्न हैरान हुन्छन् । सबै सेवा ग्राहीकाो भिडभाड, पुराना झुत्रा कागजपत्र, फोटोकपिका मधुरो मसिले कित्ता पहिल्याउनै झन्झट । सेवाग्राहीको यी झन्झटलाई मालपोतले हटाउने तयारी गरेको आजको नागरिकमा खबर छ ।
सेवाग्राहीलाई छिटो र कर्मचारीलाई सेवाग्राहीको तीनपुस्ते खोज्न सजिलोको लागि मालपोत कागजविहिन हुँदैछ । तत्काल मालपोत विभागसहित घरजग्गा बढी बेचबिखन र नामसारी हुने १४ सहरी जिल्लामा लालपुर्जालाई डिजिटलमा राख्ने तयारी अन्तिम चरणमा पुगेको छ । एसीयाली विकास बैकको अनुदानमा छिटोछिटो सेवा दिन मालपोत कार्यालय प्रविधिमैत्री बन्दैछ । आइसिटी परियोजना अन्तर्गत १५ महिनाभित्र जग्गा कारोबारलाई अनलाइनमय बनाउने तयारी भइरहेको विभागका आइटी निर्देशक श्रीचन्द्र साहले बताए ।