चलचित्र ‘आभास’को काठमाण्डौको कमलादीस्थित गणेश मन्दिरमा पुजा गरि शुभसाइत गरिएको छ । नेपाली कांग्रेसका नेता खुमबहादुर खड्काले क्ल्याप हानेर सिनेमाको शुभसाइत गरे ।
चलचित्रलाई चर्चित सम्पादक सुरेन्द्र पौडेलले निर्देशन गर्न लागेका हुन् । लामो समयसम्म वर्कशप गरेकाले पनि सिनेमाको छायांकनमा निक्कै सजिलो हुने वुझाई छ, सुरेन्द्रको । सुनिल रावल र गोविन्द शाहीको लगानी रहने सिनेमामा संयम पुरी, सलोन बस्नेत, पि्रयंका कार्की, आस्मा डीसी लगायतका कलाकारको अभिनय रहनेछ ।
उसो त संयम र आश्मा वास्तविक जीवनमा पनि प्रेममा डुबिरहेका छन् । ग्लोसी पिक्चर्सको ब्यानर र क्रियटिभ फिल्मस्को सहकार्यमा बन्न लागेको सिनेमालाई दुर्गिस थापाले प्रस्तुत गर्दैछिन् । चलचित्रमा एक यूवक र उसको जीवनमा आइपर्ने विभिन्न खालमा उतारचढावको कथा समावेश गरिनेछ ।
चलचित्रको छायांकन केही दिनमै सुरु हुने निर्देशक पौडेलले जानकारी दिए ।
No comments:
Post a Comment