लुम्बिनी प्रदेशको लागि नागरिक अभियान

लुम्बिनी प्रदेशको लागि नागरिक अभियान लुम्बिनीको आह्वानमा आजबाट बुटवलमा रिले अनसन थालिएको छ । बुटवलको मिडिया चोकमा बिहान ६ देखि साँझ ६ बजेसम्म जारी रहने अनसनमा जिल्लाका राजनीतिक दलका प्रतिनिधि, बिभिन्न संघसस्थाको सहभागिता रहेको छ । नयाँ बन्ने संविधानमा यस क्षेत्रको नामाकरण लुम्बिनी प्रदेश राख्ने प्रतिबद्धता नेताहरुले नजनाएसम्म अनसन जारी रहने अभियानका संयोजक डी.आर घिमिरेले बताउनुभयो । अनशन पूर्व नागरिक समाज, रुपन्देहीका संघसंस्था, राजनीतिक दलको सहभागितामा बृहत शान्ति ¥याली निकालिएको थियो ।