मिस नेपाल राहत लिएर सिरहा जाँदै

मिस नेपाल २०१२ सृष्टि श्रेष्ठ आउँदो मंगलबार सिरहा, औरहीका अग्निपीडितको लागि राहत वितरण गर्न त्यसतर्फ जने भएकी छन्। मिस नेपालको ताज पहिरिएको दुई सातामा उनी समाजसेवाको काममा लागेकी छन्, शुक्रबार राजधानीमा आयोजित पत्रकार सम्मेलनमा उनले भनिन्, 'समाजसेवा गर्ने मेरो सानैदेखिको रहर हो। यसैलाई निरन्तरता दिँदैइछु।'

उनले पत्रकार सम्मेलनमा मिस नेपाल भएपछि पाएको ८० हजार रुपैयाँसमेत अग्निपीडितका लागि सहयोग गर्ने घोषणा गरिन्। पत्रकार सम्मेलनमा मिस नेपालको आयोजक हिडेन ट्रेजरका आध्यक्ष गोपालले समेत २५ हजार सहयोग गर्ने घोषणा गरे। त्यसैगरी, मिस नेपालका प्रायोजकहरुले पनि सहयोग गर्ने घोषणा गरेका छन्।