‘प्रधानमन्त्रीले के अपराध गर्नु भएको छ र राजीनामा दिने ?’

‘प्रधानमन्त्रीले के अपराध गर्नु भएको छ र राजीनामा दिने ?’

२१ बैशाख, काठमाडौं । सत्तारुढ संयुक्त लोकतान्त्रिक मधेसी मोर्चाले सहमतीय सरकार गठनका लागि प्रधानमन्त्रीले राजीनामा दिनु पर्ने कांग्रेस-एमालेको माग अस्वीकार गरेका छन् ।

सहमतीय सरकारका लागि सबै मन्त्री राजीनामा दिन तयार रहेको तर, प्रधानमन्त्री डा. बाबुराम भट्टराईले कुनै हालतमा राजीनामा दिन नहुने मधेसी मोर्चाको भनाई छ । सिंहदरवारमा बिहीबार सञ्चारकर्मीहरुसँग कुरा गर्दै मधेसी मोर्चाको तमलोपाका उपाध्यक्ष हृदयेश त्रिपाठीले प्रधानमन्त्रीले के अपराध गर्नु भएको छ र राजीनामा दिने भनि प्रस्न गर्नु भएको छ । ‘सेना समायोजन गर्नु, संविधान निर्माणको वातावरण बनाउन अपराध हो’ त्रिपाठीले भन्नुभयो-’प्रधानमन्त्रीले राजीनामा दिनुपर्छ भन्ने कांग्रेस-एमालेको लघुताभाष-सानो चित्त) मात्र हो ।’

यसअघि माओवादी र मधेसी मोर्चाका शीर्ष नेताहरुबीच भएको छलफलमा पनि मधेसी मोर्चाका नेताहरुले प्रधानमन्त्रीले राजीनामा दिन नहुने बताएका थिए । उपप्रधानमन्त्री एवं फोरम लोकतान्त्रिकका अध्यक्ष विजयकुमार गच्छदारले सत्ताको साँचो आफूसँग रहेको भन्दै किन डराएको भन्दै प्रधानमन्त्रीसँग प्रश्न गर्नु भएको थियो ।