संसदमा आज संविधानको धारा ७० संशोधनमाथि छलफल हुने

                                                   संविधानसभाको बैठक साँझका लागि आह्वान
 जेठ ६,काठमाडौं । व्यवस्थापिका संसदको बैठकमा आज संविधानको धारा ७० संशोधनको प्रक्रिया थालिने छ । संसद अवरोध खुलेपछि मन्त्री पोष्टबहादुर बोगटीले हिजै संसदमा नयाँ संविधान जारी गर्ने प्रक्रिया छोट्याउन अन्तरिम संविधानको धारा ७० मा संशोधनसम्बन्धि विधेयक पेश गर्नुभएको थियो । विधेयकमा छलफल भई संशोधन हुने संसद सचिवालयले जनाएको छ । मधेशी मोर्चालेको संसद अवरोध अन्त्य गरी सुचालु भएको हिजोको बैठकमा प्रधानमन्त्री डा. बाबुराम भट्टराईले जेठ १४ मा जसरी पनि संविधान जारी गर्नुको विकल्प नभएकाले अवरोध नगर्न आह्वान गर्नुभएको थियो । राज्य पुनःसंरचनामा ११ प्रदेश बनाउने सहमति तीन दलले गरेपछि त्यसको विरोधमा मधेशी मोर्चाले संसद चल्न दिएको थिएन । तर उक्त सहमतिलाई प्रारम्भिक भन्दै संशोधन गर्ने बचन दिएपछि मधेसी सभासदले अवरोध खुलाएका हुन् । अन्तरिम संविधानको धारा ७० मा रहेको व्यवस्था संशोधन गरी छोटो बाटोबाट संविधान बनाउन प्रक्रिया छोट्याउनुपर्ने दबाबमा दलहरु छन् ।